Հորմուզի նեղուցում ևս մեկ նավթատար է պայթել ականի վրա։
Modern.az-ը, հղում անելով IRIB-ին, հայտնում է, որ Իրանի Իսլամական հեղափոխության պահապանների կորպուսը (SEPAH) հայտարարություն է տարածել այս կապակցությամբ։
«Կանոնները խախտող սուպերտանկերը այսօր երեկոյան Հորմուզի նեղուցի հարավային հատվածում բախվել է ծովային ականի, շարժիչի խցիկում պայթյուն և հրդեհ է տեղի ունեցել», - ասվում է հաղորդագրության մեջ։
Նշվել է, որ հում նավթով բեռնված այս նավը, որը ցանկանում էր դուրս գալ Հորմուզի նեղուցից, անջատել է բոլոր նավիգացիոն համակարգերը. «Նավը խախտել է Հորմուզի նեղուցի օրենքները (Իրանի կողմից հայտարարված կանոնները – խմբ.) և վթարի է ենթարկվել, քանի որ անցել է չթույլատրված երթուղով։
Սա երրորդ նավթատարն է, որը խախտել է կանոնները և երեկվանից մինչ օրս Հորմուզի նեղուցի չթույլատրված երթուղում բախվել է ծովային ականների և հրդեհվել»։
SEPAH-ի ռազմածովային ուժերը հայտարարել են, որ Հորմուզի նեղուցի տարածքում նավիգացիոն և ճանաչման համակարգերն անջատող բոլոր նավերը կճանաչվեն որպես թշնամի, և նրանց նկատմամբ խիստ միջոցներ կձեռնարկվեն։
Հիշեցնենք, որ Իրանական կողմը երեկ հայտարարել էր, որ խոշոր նավթատար է պայթել ականի վրա Հորմուզի նեղուցում։ Մեծ Բրիտանիայի Ծովային առևտրային գործողությունների վարչությունը (UKMTO) պնդում է, որ նավերը հարվածվել են անհայտ արկով։
