ՄԱԿ-ի Կլիմայի փոփոխության շրջանակային կոնվենցիայի կողմերի համաժողովի 31-րդ նստաշրջանը (COP31) ավարտվել է այսօր երեկոյան՝ երկարատև բանակցություններում երկրների միջև համաձայնության բացակայության պատճառով:
Modern.az-ը հայտնում է, որ «Անթալիայի պակտը» չի ընդունվել։
ՄԱԿ-ի պատմության մեջ կլիմայի ամենաերկարատև համաժողովում՝ COP31-ում, համաձայնություն ձեռք չի բերվել այն բանից հետո, երբ նախագահության կողմից այսօր հրապարակված վերջին համաձայնագրի նախագծին առարկել են մի շարք երկրներ, այդ թվում՝ Եվրոպական միությունը (ԵՄ), Նորվեգիան, Պանաման և Մարշալյան կղզիները։
COP31-ի նախագահ Մուրատ Կուրումը, հայտարարելով համաժողովի ավարտը, ասել է, որ իրենք աշխատել են օր ու գիշեր և նպատակ ունեին ավելի ուժեղ արդյունք ստանալ հանդիպումից։
ՄԱԿ-ի գլխավոր քարտուղար Անտոնիո Գուտերեշը խորը հիասթափություն է հայտնել, որ COP31-ն ավարտվել է առանց համապարփակ արդյունքի շուրջ համաձայնության:
Ա. Գուտերեշը նշել է, որ այս ձախողումը չի փոխում փաստերը.
«Բանակցությունների սեղանի շուրջ համաձայնություն կարող է չլինել, բայց գիտական ճշմարտությունների վերաբերյալ անորոշություն չկա»։
Նա նաև կոչ է արել հարուստ երկրներին կատարել իրենց պարտավորությունները՝ ապահովելու կլիմայի ֆինանսավորումը նրանց, ովքեր դրա կարիքն ամենաշատն ունեն: