Իրանը մտահոգված է տարածաշրջանում և իր շուրջ ԱՄՆ-ի ցանկացած ներկայությամբ։ Այնուամենայնիվ, Թեհրանը կարծում է, որ Հայաստանը քայլեր չի ձեռնարկի Իրանի անվտանգության դեմ։
Modern.az-ը հայտնում է, որ այս մասին հոկտեմբերի 16-ին Երևանում լրագրողներին հայտարարել է Իրանի արտգործնախարար Աբբաս Արաqչին՝ պատասխանելով TRIPP նախագծի և տարածաշրջանում ԱՄՆ-ի ներկայության մասին հարցին։
Նախարարը, պատասխանելով այն հարցին, թե արդյոք Իրանի մտահոգությունները շարունակվում են այս հարցում, նշել է, որ Հայաստանի հետ ուղիղ շփումներ կան։
«Մենք այս հարցի շուրջ ուղիղ կապի մեջ ենք մեր հայ բարեկամների հետ։ Մենք վստահում ենք նրանց և գիտենք, որ նրանք ոչինչ չեն անում Իրանի անվտանգության դեմ», - ասել է Արաqչին։
Իրանի նախարարն ընդգծել է, որ Հայաստանի պաշտոնյաների հետ խորհրդակցությունները շարունակվում են։ Նա հիշեցրել է Հայաստանի արտգործնախարար Արարատ Միրզոյանի Թեհրան կատարած այցը և այնտեղ տեղի ունեցած քննարկումները։
«Մենք շարունակում ենք մեր խորհրդակցությունները Հայաստանի իշխանությունների հետ։ Հայաստանի արտգործնախարար Արարատ Միրզոյանը եղել է Թեհրանում, և մենք այնտեղ լավ քննարկումներ ունեցանք։ Այսօր մեր նախագահը կհանդիպի Հայաստանի վարչապետի հետ», - ասել է նա։
Արաqչին հավելել է, որ Իրանի և Հայաստանի միջև սերտ շփումները շարունակվում են։
