Հաստատվել են հայկական ապրանքների արտոնությունները:
Modern.az-ը հայտնում է, որ Եվրախորհրդարանը հաստատել է օրինագիծը, որը նախատեսում է առևտրային արտոնությունների կիրառում հայկական ապրանքների նկատմամբ:
Նախագծին կողմ է քվեարկել 583 պատգամավոր, դեմ՝ 49 պատգամավոր, իսկ 39 պատգամավոր ձեռնպահ է մնացել:
Նշենք, որ սեպտեմբերի 2-ին ԵՄ Խորհուրդը (Coreper II – դեսպանների մակարդակով) հաստատել է օրենսդրական նախաձեռնությունը, որը նախատեսում է երկու տարի ժամկետով կասեցնել հայկական ապրանքների լայն տեսականու նկատմամբ կիրառվող մաքսատուրքերը և ազատականացնել Հայաստանի արտահանման մոտ 80 տոկոսը դեպի ԵՄ:
Սեպտեմբերի 3-ին Եվրախորհրդարանի Միջազգային առևտրի հանձնաժողովը (INTA) նախագծին աջակցել է 35 կողմ, 2 դեմ և 3 ձեռնպահ ձայներով:
