Modern.az

Məşqçisi erməni olan azərbaycanlı Avropa çempionu - FOTO

Məşqçisi erməni olan azərbaycanlı Avropa çempionu - FOTO

23 Fevral 2024, 19:36

17-18 fevral tarixlərində İspaniyanın Fuenqirola şəhərində Avropa Kadet Kuboku keçirilib. Turnirdə 23 ölkədən 484 cüdoçu iştirak edib.

 

Yarışmada əslən azərbaycanlı olan Estoniya vətəndaşı Marek-Adrian Masak da U-18 Avropa Kuboku üçün mübarizə aparıb.

 

Soydaşımız 90+ kq çəki dərəcəsində güləşərək turnirdə ən yüksək dərəcəli idmançı kimi tatamiyə çıxıb.

 

Açılış raundunda litvalı Nikolas Paleyçiki, növbəti mərhələdə fransalı Azriel Dekenn Diffonu, yarımfinalda Kevin Nzuzi Diazvini məğlub edərək qızıl medal qazanan həmyerlimiz Avropa çempionu titulunu qazanıb.

 

2007-ci il təvəllüdlü Marek-Adrian Masak Tallin İdman Akademiyasının tələbəsidir. Gənc cüdoçunun anası azərbaycanlı(Qubadlı şəhəri), atası isə estondur. 

 

Modern.az-ın məlumatına görə, soydaşımızın baş məşqçisi 1970-ci il təvəllüdlü Vladimr Stepanyandır. O, Bakıdakı 211 nömrəli məktəbin məzunudur və Ermənistan Dövlət Bədən Tərbiyəsi İnstitutunda təhsil alıb.

 

Könül Fətullayeva

Facebook
Dəqiq xəbəri bizdən alın!
Keçid et
Rusiyadakı miqrantlara xəbərdarlıq - Qadağan olunur!