Azərbaycandakı bəzi valideynlər övladlarını xarici ölkələrdəki orta məktəblərə təhsil almağa göndərir.
Təhsil Nazirliyi Modern.az saytının sorğusuna cavab olaraq bildirib ki, 2013-2014-cü dərs ilində müqavilələr əsasında xaricə gedən şagirdlərin çoxu ABŞ-dakı orta məktəblərdə təhsil almağa üstünlük verib:
“Təhsil Nazirliyinin bir sıra beynəlxalq təşkilatlarla imzaladığı müqavilələr və müvafiq proqramlar çərçivəsində ümumtəhsil müəssisələrinin şagirdlərinin xarici ölkələrdəki məktəblərdə təhsil alması halları mövcuddur. Övladlarının hansı məktəbdə təhsil alması məsələsində valideynlər sərbəst seçim hüququna malikdir.
2013-2014-cü dərs ilində 31 nəfər IX-XI sinif şagirdi müqaviləyə uyğun olaraq 1 il xaricdə təhsil alıb vətənə qayıdıblar. Onlar əsasən ABŞ-da təhsil alıblar”.
Misranə Həsənzadə
