29-avgust kuni Islandiyada referendum boʻlib oʻtadi.
Modern.az xorijiy OAVga tayanib xabar berishicha, ovoz berish jarayonida mamlakat fuqarolari Yevropa Ittifoqiga aʼzolik boʻyicha muzokaralarni Bryussel bilan qayta tiklash yoki tiklamaslikka munosabat bildirishadi.
Ovoz berish arafasida oʻtkazilgan soʻrovlarga koʻra, Islandiya fuqarolarining faqat taxminan yarmi Reykyavik va Bryussel oʻrtasidagi yaqinlashuvni qoʻllab-quvvatlaydi. Shunga qaramay, referendumda muzokaralarni tiklashga “ha” javobini berish Islandiyaning avtomatik ravishda Yevropa Ittifoqiga aʼzo boʻlish qarorini qabul qilganligini anglatmaydi.
Ovoz berishdagi asosiy masala YIga aʼzolik emas, balki aʼzolik boʻyicha muzokaralarni qayta boshlash boʻladi.
Agar saylovchilarning aksariyati muzokaralarni tiklashni qoʻllab-quvvatlasa, jarayonning oʻzi bir necha yil davom etishi mumkin. Shundan soʻng, Islandiyaning YIga aʼzo boʻlishi yoki boʻlmasligi boʻyicha alohida qaror qabul qilish bosqichi oldinda boʻladi.
