Birlashgan Arab Amirliklari (BAA) Markaziy banki AQShning Eron bilan aloqalar bo‘yicha ayblovlaridan so‘ng mamlakatda faoliyat yurituvchi “Bonque Misr” bankining filiallari bo‘yicha maxsus va shoshilinch tergovni boshladi.
Modern.az xabar berishicha, BAA Markaziy banki bayonotiga ko‘ra, tergov AQSh hukumati tomonidan qayd etilgan davr mobaynida amalga oshirilgan operatsiyalarni qamrab oladi. Xususan, AQSh bayonotida nomi tilga olingan kompaniyalar bilan amalga oshirilgan moliyaviy operatsiyalarning chuqur ekspertizasi nazarda tutilgan.
AQSh Moliya vazirligi Misr bankining BAA dagi filiallarini Eron hukumatining AQSh dollariga kirishini ta’minlovchi muhim markazlardan biri sifatida baholadi. AQSh Adliya vazirligi ma’lumotlariga ko‘ra, 2024-yil yanvaridan 2026-yil iyunigacha ushbu filiallar Eronning yashirin bank tarmog‘ining bir qismi bo‘lgan 103 ta kompaniya uchun taxminan 1,8 milliard dollar miqdorida operatsiyalarni amalga oshirgan.
