Bugun Turkiyada xalqning milliy g'ururi va tarixiy xotirasi ramzlaridan biri bo'lgan 30-avgust – G'alaba bayrami nishonlanmoqda.
Modern.az xabar berishicha, G'alaba bayrami har yili 30-avgust kuni Turkiya tarixida muhim ahamiyatga ega bo'lgan Buyuk hujum va Dumlupinar jangida qozonilgan g'alaba yilligi munosabati bilan nishonlanadi.
Buyuk hujum 1922-yil 26-avgustda boshlangan va 30-avgustda Dumlupinarda turk armiyasining g'alabasi bilan yakunlangan. Bu g'alaba Turkiya Mustaqillik urushining hal qiluvchi bosqichlaridan biri hisoblanadi.
Bayram munosabati bilan mamlakatning turli shaharlarida, xususan, Anqara va Istanbulda rasmiy marosimlar, harbiy paradlar va turli tadbirlar o'tkaziladi.
Turkiyada 30-avgust G'alaba bayrami, shuningdek, Mustafo Kamol Otaturk rahbarligida qozonilgan g'alaba va Turkiya Respublikasining tashkil topishiga olib kelgan kurash ramzi sifatida nishonlanadi.
Ta'kidlash joizki, G'alaba bayrami Turkiyaning eng muhim milliy bayramlaridan biridir.
