İsrail Knessetinin Xarici İşlər və Müdafiə Komitəsinin sədri Yuli Edelşteyn və Knesset üzvü Ram Ben Barak Azərbaycan Respublikası Prezidentinin köməkçisi - Azərbaycan Respublikası Prezidenti Administrasiyasının Xarici siyasət məsələləri şöbəsinin müdiri Hikmət Hacıyevlə görüşüb.

Modern.az xəbər verir ki, bu barədə İsrailin Azərbaycandakı səfiri Corc Dik Tvitter paylaşımında bildirib.

Səfir bugünkü görüşün səmimi və məhsuldar keçdiyini, tərəflərin ikitərəfli və regional məsələləri müzakirə etdiklərini qeyd edib.