Milli Məclisin vitse-spikeri Adil Əliyevin qardaşı, ehtiyatda olan polis polkovniki Allahverdi Əliyev 77 yaşında dünyasını dəyişib.
Modern.az xəbər verir ki, bu barədə jurnalist Elnur Eltürk məlumat yayıb.
O bildirib ki, A.Əliyev sabah Şüvəlan qəsəbəsi Mir Mövsüm Ağa ziyarətgahındakı məzarlıqda dəfn ediləcək.
Allahverdi Əliyev uzun illər polis sistemində yüksək vəzifələrdə çalışıb. O, sonuncu dəfə DİN-in Nəqliyyatda Baş Polis İdarəsinin Dəmiryolu üzrə polis şöbəsinin rəisi vəzifəsində çalışıb.
A.Əliyevin digər qardaşı Məhərrəm Əliyev isə 2023-cü ilin dekabrınadək Prezidentin müdafiə məsələləri üzrə köməkçisi olub. General-polkovnik Məhərrəm Əliyev hazırda ölkəmizin Belarusdakı səfiridir.
