Dünya şöhrətli italiyalı opera müğənnisi Daniela Dessi 60 yaşında vəfat edib.
Modern.az saytı xarici KİV-lərə istinadən xəbər veri ki, soprano səs tembrinə malik olan ünlü sənətçi D.Dessi 14 may 1957-ci ildə doğulmuşdu. Artıq 9 yaşında onun opera müğənnisi olacağı yəqinləşmişdi.
O, məşhur opera teatrları – Milandakı “La Skala”, Nyu-Yorkdakı “Metropoliten-opera” və Berlindəki “Alman operası” ilə əməkdaşlıq edib. Müğənni repertuarı boyu Motsart, Cüzeppe Verdi, Monteverdi, Prokefyev kimi məşhur bəstəkarlaın 60-dək operasında oynayıb. O, təkcə gözəl səsə malik deyil, həm də yaxşı aktrisalıq qabiliyyətinə malik idi.
