“Qarabağ” və “Qəbələ” klubları AvroLiqanın qrup mərhələsində bu gün növbəti görüşlərini keçirəcəklər.
Modern.az xəbər verir ki, J qrupunda yarışan “Qarabağ” İtaliyada güclü “Fiorentina”nın qonağı olacaq. Xatırladaq ki, “Qarabağ” qrup mərhələsinin ilk oyununu Çexiyanın “Slovan” klubuna qarşı Bakıda keçirmişdi. Həmin oyun 2-2 hesabı ilə yekunlaşmışdı.
“Qəbələ” klubu isə Bakıda Almaniyanın “Mayns” klubunu qəbul edəcək. “Qəbələ” qrup mərhələsinin ilk oyunda Belçikada “Anderlext”lə görüşdə 1:3 hesabı ilə məğlub olmuşdu.
