Səudiyyə Ərəbistanı hərbi hava qüvvələrinin Yəmənin paytaxtı Saneyə endirdiyi hava zərbələri nəticəsində 160 nəfər həlak olub. Modern.az xarici mediaya istinadən xəbər verir ki, son məlumata görə, ölən və yaralananların ümumi sayı 700-ə çatıb.
Yəmənin Səhiyyə Nazirliyi xəbər verir ki, ölənlərin və yaralananların əksəriyyəti dinc sakinlərdir.
Digər məlumata görə, ölən və xəsarət alanlar yas mərasimində iştirak edənlərdir, hamısı bir binada olublar, bura bir neçə mərmi düşüb.
Xatırladaq ki, ölkənin paytaxtı Saneni 2014-cü ildən üsyanç-husilərin nəzarətindədir. Yəmənin hökumət ordusu iki ildir Səudiyyə Ərəbistanın rəhbərlik etdiyi koalisiyanın dəstəyi ilə onlara qarşı mübarizə aparır.
Modern.az
