NİDA Vətəndaş Hərəkatının üzvü Qiyas İbrahimovun bu günə təyin edilmiş məhkəmə iclası qeyri-müəyyən vaxtadək təxirə salınıb.
Bu haqda Modern.az-a vəkil Elçin Sadıqov məlumat verib.
Vəkil bunun səbəbini də açıqlayıb:
“Səbəb odur ki, məhkəmə tərkibində olan hakimlərdən Zeynal Ağayev Cahangir Hacıyevin işi üzrə müşavirədədir”.
Daxili İşlər Nazirliyinin (DİN) həbs edilən NİDA-çı gənclərlə bağlı yaydığı məlumatda bildirilir ki, Bakı Şəhər Baş Polis İdarəsinin Narkotiklə Mübarizə İdarəsi, Nəsimi RPİ 22-ci PB və Nizami RPİ 25-ci PB əməkdaşlarının həyata keçirdikləri əməliyyat-axtarış tədbirləri nəticəsində Nəsimi rayonu ərazisində Qiyas İbrahimovdan 2,607 qram heroin, yaşadığı mənzilə baxış zamanı isə əlavə olaraq 1 kiloqram 10 qram heroin aşkar edilərək götürülüb.
Gülşən RAUFQIZI
