“Beynəlxalq futbol federasiyasının şurası (FİFA) dünya çempionatının final mərhələsində iştirak edən komandaların sayının artırılması ideyasını müsbət qarşılayıb”. Modern.az saytı “Trend”ə istinadən xəbər verir ki, bunu jurnalistlərə FİFA-nın prezidenti Canni İnfantino deyib.
FİFA-nın cümə axşamı Sürixdə iclası keçirilib. Bundan əvvəl İnfantino 2026-cı il dünya çempionatının final mərhələsinin iştirakçı komandalarının sayını artırmağı təklif edib. Əvvəlcə 32-dən 40-a qədər, sonra isə 48-ə qədər artırılmağını təklif edib.
Gözlənilirki, bu məsələ ilə bağlı son qərar 2017-ci ilin yanvarında qəbul ediləcək.
Modern.az
