Qusar rayonunun mərkəzi bazarında baş vermiş yanğın söndürülüb.
Bu barədə Modern.az-a FHN-dən məlumat verilib.
Məlumata əsasən, hadisə yerinə Fövqəladə Hallar Nazirliyinin əvvəlcə 3, daha sonra 2 yanğınsöndürən maşını və canlı qüvvəsi cəlb edilib.
Hadisə nəticəsində bazarın 200 kv.m-lik sahəsi yanıb.
İlkin ehtimala görə, yanğın qısaqapanma nəticəsində baş verib.
Hazırda yanğının yayılmasının qarşısı alınıb.
Yanğının bazarın paltar satılan mağazalarından birindən başladığı bildirilir.
Modern.az
