Şimali Koreya Mərkəzi Prokurorluğu Cənubi Koreyadan bir sıra yüksək rütbəli şəxslərin, o cümlədən ölkənin kəşfiyyat xidməti rəisi Li Bön Xonun ekstradisiyasını tələb edib.
Modern.az xarici KİV-ə istinadən xəbər verir ki, rəsmi Pxenyan onları Kim Çen In başda olmaqla, ölkənin hərbi-siyasi rəhbərliyinə qarşı sui-qəsd planı hazırlamaqda ittiham edib.
Bundan başqa, Mərkəzi Kəşfiyyat İdarəsinin bir sıra agentləri də axtarılanlar sırasındadır.
“Şimali Koreya rəhbərliyinə qarşı terror planlaşdıran heç bir insan bu planetdə sağ yaşamayacaq” –deyə rəsmi açıqlamada deyilir.
Vüqar İSMAYILOV
