Bu gün şahmat üzrə İddiaçılar Turnirinin 13-ci turu keçirilib.
Modern.az xəbər verir ki, azərbaycanlı qrossmeyster Şəhriyar Məmmədyarov tur çərçivəsində keçirilən oyunda Rusiya təmsilçisi Aleksandr Qrişükla görüşüb. Oyun Məmmədyarovun qələbəsi ilə yekunlaşıb. Bu Məmmədyarovun turnir çərçivəsində üçüncü qələbəsi olub.
Bu görüşdən sonra hesabında üç qələbə, doqquz heç-heçə və bir məğlubiyyət olan Azərbaycan şahmatçısının aktivində 7,5 xal var.
Növbəti turda, martı 27-sı Məmmədyarovun rəqibi Vladimir Kramnik (Rusiya) olacaq.
