Qubadlı rayonu Fəxrəddin Hüseynov adına Mahmudlu kənd musiqi məktəbinin şagirdləri Nəsirli Məhəmməd Əmin və Əminə Yaqut qardaş-bacıları 31 Mart Azərbaycanlıların Soyqırımının 100 illiyinə musiqili kompozisiya həsr ediblər. Modern.az-ın məlumatına görə, balaca musiqiçilər “Sarı gəlin” xalq mahnısını yeni tərzdə ifa edərək, xalqımızın başına gətirilmiş qanlı hadisələri musiqinin dili ilə təsvir ediblər.
Musiqili kompozisiyanın ideyası filologiya üzrə fəlsəfə doktoru Sevinc Məmmədovaya məxsusdur. Konsertmeysterlər Lalə Əliyeva və Ruhiyyə Xəlilovadır. Xatırladaq ki, Əminə Yaqut “Borjomi-2017” Beynəlxalq Musiqi Festivalının laureatıdır.
Balaca musiqiçilər Füzuli rayonundan məcburi köçkündürlər.
