Rusiyada keçirilən futbol üzrə dünya çempionatında 1/4 finalın ilk oyunu keçirilib. Modern.az xəbər verir ki, "Nijni Novqorod” stadionunda baş tutan qarşılaşmada Fransa və Uruqvay komandaları üz-üzə gəlib. Oyun açıq-aşkar Fransa millisinin üstünlüyü ilə keçib.
Qarşılaşmada ilk qolu da birinci hissədə Fransa millisi vurub. 40-cı dəqiqədə Varan hesabı açıb.
62-ci dəqiqədə isə Antuan Qrizmanın uzaqdan zərbəsini Uruqvayın qapıçısı dəf edə bilməyib. Oyun Fransanın 2:0 hesablı qələbəsi ilə yekunlaşıb. Bu qələbə Fransanı yarımfinala daşıyıb.
Qeyd edək ki, günün ikinci qarşılaşmasında Belçika və Braziliya milliləri qarşılaşaq.
