Şəmkirdə meşə massivinə yaxın ərazidə başlayan güclü yanğın məhdudlaşdırılıb. Modern.az xəbər verir ki, yanğın rayonun Şiştəpə kəndindən başlayaraq Şəmkir–Gədəbəy avtomobil yolunun Yasamal aşırımına kimi ərazini əhatə edib.
FHN-in Şəmkir rayon Yanğından Mühafizə Hissəsindən verilən məlumata görə, ərazidə quru ot və kol-kos yanıb.
Alovun yaxınlıqdakı meşə massivinə keçməməsi üçün Tovuz, Gədəbəy və Şəmkirdən də yanğınsöndürmə briqadaları cəlb olunub. Yanğınsöndürənlərin səyi nəticəsində yanğının meşə massivinə keçməsinin qarşısı alınıb.
