Yaponiyanın qərbində baş verən leysan yağışları və daşqın nəticəsində ölən və itkin düşənlərin sayı hər gün artır. Modern.az xarici KİV-lərə istinadən xəbər verir ki, leysan yağışları və torpaq sürüşmələri nəticəsində ölənlərin sayı 126 nəfərə çatıb. Daha 60 nəfər itkin düşmüş hesab edilir.
Ən çox insan tələfatı Xirosimada qeydə alınıb - 47 nəfər. Okayamada 36, Eximedə isə 26 nəfər leysan yağışların qurbanı olub.
Qeyd edək ki, daşqın başlayarkən suyun səviyyəsi sürətlə artdığından, insanlar evlərindən çıxmağa vaxt tapmayıblar.
Daşqına məruz qalmış ərazilərdən 2 milyona yaxın insan evakuasiya edilib.
Son bir neçə gün ərzində Yaponiyada iyul ayı üçün yağıntı normasından 3 dəfə artıq həçmdə yağış yağıb.
