Pakistanda hərbi təhsil mərkəzinə hücum edilib.
Modern.az-ın xarici KİV-ə istinadən məlumatına görə, hadisə Loralai bölgəsində baş verib.
Bildirilir ki, 4 terrorçunun hücumu nəticəsində Pakistan ordusunun 4 əsgəri həlak olub.
Təhlükəsizlik qüvvələri terrorçuların hücumunun qarşısını alıb. Əməliyyat zamanı onlardan 3-ü məhv edilib, kamikadze isə özünü partladıb.
Hücum "Pakistan Talibanı" adlandırılan "Tehrik-i-Taliban Pakistan" qruplaşması tərəfindən həyata keçirilib.
