Bakının Neftçilər prospektində, Hökumət evinin qarşısındakı ərazidə ikimərtəbəli yeraltı avtomobil dayanacağında problem yaşanıb. Belə ki, mayın 12-də gecə saatlarında dayanacaqda olan sürücülər ərazini tərk edə bilməyib.
Dayanacaqda olan mühafizəçilərin bildirdiyinə görə, buna səbəb parkomatların işləməməsi olub.
Həmin vaxt dayanacaqda olan Modern.az-ın əməkdaşı problemin 22:45-dən 23:30-a qədər davam etdiyini bildirib.
Məsələ bağlı Bakı Nəqliyyat Agentliyinin mətbuat katibi Mais Ağayev Modern.az-a deyib ki, həmin gün ərazidə narahatlıq yaşanmayıb:
“Ola bilsin vətəndaşlardan kimsə yolu tapıb çıxa bilməyib”.
Qeyd edək ki, hər mərtəbəsi 30 min kvadratmetr və ya 2 min avtomobil tutumuna malik olan yeraltı dayanacaq 2013-cü ilin oktyabrında istifadəyə verilib.
