Mingəçevirdə yaşayış massivində güclü yanğın baş verib.
Modern.az APA-ya istinadən xəbər verir ki, hadisə az öncə Energetik yaşayış massivində, məcburi köçkünlərin məskunlaşdığı "Üçüncü" qəsəbə deyilən ərazidə qeydə alınıb.
Yaşayış sektorunu bürüyən yanğının söndürülməsi üçün əraziyə FHN-in yanğınsöndürmə briqadaları cəlb olunub. Yanğın lokallaşdırılaraq söndürülüb.
Hadisə nəticəsində, ikisi ciddi olmaqla, 3 ev alovdan yararsız hala düşüb. Yanğın yerinə, həmçinin təcili tibbi yardım briqadaları cəlb olunub. Hər hansı xəsarətin, yaxud boğulma halının olub-olmaması dəqiqləşdirilir.
Faktla bağlı araşdırmalara başlanılıb.
