Minskdə keçirilən II Avropa Oyunlarında sambo yarışlarında çıxış edən Azərbaycan təmsilçisi Mehman Xəlilov Ermənistan idmançısı Maksim Manukyanla üz-üzə gəlib.
Modern.az xəbər verir ki, 57 kq çəki dərəcəsində çıxış edən idmançımız rəqibinə qalib gələrək bürünc medalı qazanıb. O, rəqibini 9:1 hesabı ilə məğlub edib.
Bundan başqa daha bir samboçumuz medal sevindi yaşayıb. Belə ki, 68 kq çəki dərəcəsində çıxış edən Emil Həsənov 3-cü yer uğrunda görüşdə bolqarıstanlı Martin İvanovu vaxtından əvvəl ağrıdoğurucu fəndlə məğlub edib.
