"Bu uğuruma sevinib, digər hədəflərimi gözardı etmək istəmirəm. 400 bal mənim üçün sadəcə, motivasiyadır".
Modern.az xəbər verir ki, bu sözləri AzEdu.az-a açıqlaması zamanı IV ixtisas qrupu üzrə 400 bal toplayan, Türkiyə Diyanət Vəqfi Bakı Türk Liseyinin məzunu Rüstəm Həsənov deyib. O, hələ hər şeyin başlanğıc olduğunu qeyd edib:
"Qarşıda daha çox hədəfim var. İmtahanın I mərhələsindən 393 bal toplamışam. Ümumi nəticəm 687 bal oldu. Yaxşı oxuyan abituriyent üçün imtahanın yeni qaydalarla təşkili heç bir problem yarada bilməz".
Qeyd edək ki, bu gün 23 iyunda I və IV ixtisas qrupları üzrə keçirilən qəbul imtahanlarının nəticələri açıqlanıb.
