Şirvanda toy mərasimi zamanı tüstüdən zəhərlənənlərin sayı artıb.
Modern.az APA-ya istinadən xəbər verir ki, hazırda xəstəxanaya 14 nəfər yerləşdirilib.
Onların "Yeganə" şadlıq sarayında istifadə edilmiş tüstü yayan pirotexniki vasitədən zəhərləndiyi deyilir.
Qeyd edək ki, toy mərasimi zamanı istifadə edilmiş tüstü yayan pirotexniki vasitə qonaqlar arasında zəhərlənməyə səbəb olub. Nəticədə 6 nəfər xəstəxanaya yerləşdirilib. Onların vəziyyəti ağır olduğu üçün Reanimasiya şöbəsinə yerləşdiriliblər.
