Modern.az xəbər agentliyinin fəaliyyətə başlamasının 10 ili tamam olub.
Modern.az portalı 2009-cu il sentyabrın 1-də yaradılıb. Hazırda Azərbaycanın onlayn media məkanında sayılıb-seçilən informasiya agentliklərindən biridir.
Modern.az-ın 10 illik yubileyi ilə bağlı təbriklərini, ürək sözlərini, bildirənlər arasında Milli Məclisin deputatları da var.
Modern.az-ın “10 il ərzində daha nələr edə bilərdik?!” sorğusuna Milli Məclisin Sosial siyasət komitəsinin sədri Hadi Rəcəbli belə cavab verib:
“Bu günlərdə Modern.az-a ünvanlanan bütün təbriklərə mən də qoşuluram. Bu xəbər portalı ölkə mediası sırasında xüsusi çəkisi, özünəməxsus dəsti-xətti, öz siması olan mətbuat orqanıdır.
Mən bu 10 ildə Modern.az-da ancaq doğru xəbərlərin yayımlandığını müşahidə etmişəm. Hadisələrə ədalətli prizmadan yanaşan, təqdimatda keyfiyyətə üstünlük verən Modern.az saytının dəsi-xəttini alqışlayıram.
Sizin oxunaqlı, orijinal yazılarınız bütün oxucu auditoriyanızda rəğbət oyadır.
Parlamentin, deputatların fəaliyyətinə xüsusi yanaşmanız isə istər-istəməz Milli Məclis üzvlərini də oxucularınız sırasına qoşur.
10 il ərzində az iş görməmisiniz. Hesab edin ki, “daha nələr edə bilərdik” sualına cavab verdim.
Sizə eyni tempdə davam etməyi arzulayıram...”.
