Müsavat Partiyasının başqanı Arif Hacılı Facebook sosial şəbəkəsində virtual dostluğunda olanlara xəbərdarlıq edib.
Modern.az-ın məlumatına görə, A.Hacılı bildirib ki, onun virtual dostluğunda olan 43 nəfərin həm də separatçı Əlikram Hümbətovla ortaq dostluğu var.
“Əlbəttə, kim özünə rəva bilirsə Əlikram Hümbətovla da, Bako Saakyanla da dostluq edə bilər. Amma, həm mənimlə, həm də onlarla, hətta virtual dostluq mümkün deyil.
24 saat gözləyirəm. Bu müddət ərzində Əlikramın “Feysbuk” dostluğundan çıxmayanlar mənim dostluğumdan çıxarılacaq”,- Arif Hacılı bildirib.
