"Bakı metrosu sərnişin qəbul etmək üçün tam hazır vəziyyətə gətirilib". Bunu Modern.az-ın sorğusuna cavab olaraq, "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib.
B.Məmmədov qeyd edib ki, metronun açılması üçün müxtəlif variantlar hazırlanır:
"Biz Nazirlər Kabineti yanında Operativ Qərargahın verəcəyi qərarı gözləyirik. Nə qərar veriləcəksə, fəaliyyət planımızı ona uyğunlaşdıracağıq. Yəni tam qrafiklə yoxsa saat məhdudiyyətilə çalışacağıq, bu artıq Nazirlər Kabineti yanında Operativ Qərargahın qərarından asılı olacaq".
Qurum rəsmisi metronun yaxın günlərdə açılması ehtimalından da danışıb: "Ehtimal hər zaman var. Ona görə də rəsmi qərarı gözləməliyik".
