Hazırda hərbi xidmətə getməli olan və diplomunu hərbi müəssisəyə təqdim edə bilməyən məzunların xidmət müddəti daha 6 ay uzadılmayacaq.
Modern.az-ın məlumatına görə, bunu Nazirlər Kabineti yanında Operativ Qərargahın mətbuat konfransında Təhsil naziri Ceyhun Bayramov bildirib.
C.Bayramov qeyd edib ki, bunun üçün həmin şəxslərin valideynləri diplomu müvafiq olaraq, hərbi müəssisəyə təqdim edə bilərlər:
“Karantin rejimi olsa da, həmin şəxslərin hansısa bölgəyə getməsinə güzəşt ediləcəyinə əminəm”.
