Türkiyədə yeni fəaliyyətə başlayan Demokratiya və Yüksəliş (DEVA) Partiyasının sədri Əli Babacan yeni növ koronavirusa (COVID-19) yoluxub.
Modern.az xəbər verir ki, bu barədə Ə.Babacan tvitter səhifəsində açıqlayıb.
Partiya sədri bu gün COVID-19 testindən keçdiyini, nəticənin pozitiv olduğunu yazıb. Ə.Babacan bildirib ki, həkimlər ona ailəsi ilə birlikdə karantinə alınmasını tövsiyə edib.
Hazırda səhhətinin normal olduğunu deyən partiya sədri karantin müddətində evdən fəaliyyət göstərəcəyini vurğulayıb.
