Prezident İlham Əliyevin tapşırığı əsasında, Goranboy şəhər Olimpiya-İdman Kompleksinin tikinti işləri yekunlaşmaq üzrədir.
Modern.az xəbər verir ki, Goranboy rayon İcra Hakimiyyətinin başçısı Məhərrəm Quliyev Goranboy şəhər Olimpiya-İdman Kompleksində aparılan tikinti işləri ilə yerində tanış oldu, burada tikinti işlərini həyata keçirən podratçı təşkilatın nümayəndələri ilə görüşüb.
İcra Başçısı tikinti işlərinin vaxtında və keyfiyyətlə yekunlaşdırılması, həmçinin kompleksin elektrik enerjisi, istilik təhcizatı, su və digər infrastruktur təminatı ilə bağlı müzakirələr apardı, qeyd olunan məsələlərlə əlaqədar, aidiyyəti məsul şəxslərə tapşırıqlarını bildirdi. Hazırda burada aparılan tikinti işlərinə 100 nəfərdən çox işçi qüvvəsi cəlb edilib.
