Tovuzda yol-nəqliyyat hadisəsi baş verib.
Modern.az xəbər verir ki, hadisə rayonun Aşağı Əyyublu kəndində qeydə alınıb.
Minik avtomobilinin sürücüsü qaranlıq hava şəraitində yolun ortası ilə hərəkət edən mal-qaranı görməməsi səbəbindən qəza törədib.
Hadisə zamanı mal-qaranın sahibi, 1962-ci il təvəllüdlü Həmzəyev Namaz Qaraca oğlu xəsarət alaraq xəstəxanaya yerləşdirilib.
Yaralının vəziyyətinin ağır olduğu bildirilir. Qəza zamanı avtomobilin ön hissəsi əzilərək yararsız hala düşüb.
Faktla bağlı araşdırma aparılır (apa).
