Futbol üzrə Azərbaycan Premyer Liqasında III turun daha bir oyunu keçirilib.
Modern.az xəbər verir ki, günün ilk matçında “Səbail” “Sumqayıt”ı qəbul edib.
“ASCO Arena”da oynanılan qarşılaşma meydan sahiblərinin 1:0 hesablı qələbəsi ilə yekunlaşıb. 64-cü dəqiqədə Cabir Əmirli “Səbail”ə qələbə qazandırıb.
Beləliklə, “gənclik şəhəri” təmsilçisi cari mövsüm çempionatda ilk məğlubiyyətini alıb.
3 turdan sonra hər iki komanda 6 xal toplayıb və müvəqqəti də olsa, 2-3-cü yerləri bölüşdürürlər.
Qeyd edək ki, turun digər oyunlarında “Zirə” səfərdə “Keşlə”ni, “Qəbələ” isə “Sabah”ı 2:0 hesabı ilə üstələyib.
Tura saat 20:30-da başlayacaq “Neftçi” - “Qarabağ” görüşü ilə yekun vurulacaq.
