Ermənistanın xarici işlər naziri Ararat Mirzoyan Türkiyənin XİN başçısı Mövlud Çavuşoğlu ilə görüşməyə hazır olduğunu bildirib.
Modern.az xəbər verir ki, bu barədə erməni KİV-ləri yazıb.
"Biz dialoqun uğurla başa çatmasında maraqlıyıq. Mən heç vaxt belə görüşün əleyhinə olmamışam", - deyə Mirzoyan söyləyib.
O, həmçinin əlavə edib ki, görüşlər zamanı tərəflər ölkələr arasında diplomatik münasibətlərin qurulması və sərhədlərin açılması istiqamətində səmimi və ciddi addımlar atmalıdırlar:
"Bir daha deyirəm: mən belə bir görüşə hazıram, ümid edirəm ki, belə bir görüş baş verərsə, nəticədə nəzərəçarpacaq nəticələr qeydə alınacaq".
