“WhatsApp” mesajların axtarışını asanlaşdıracaq funksiya üzərində işləyir.
Modern.az-ın məlumatına görə, beta istifadəçilərinə açılan yeni xüsusiyyət mesajlarda istədiyimiz tarixə keçməyimizi təmin edəcək. Tətbiqdə dəqiq tarixini bilmədiyimiz mesajları axtardığımız zaman belə bir xüsusiyyətin çox faydalı olacağını söyləyə bilərik.
Bundan əlavə, paylaşılan ekran görüntüləri tarixə görə axtarış seçiminin necə istifadə oluna biləcəyini göstərir. Müvafiq olaraq, funksiyadan söhbətlərdə mesajlar axtararkən klaviaturanın yuxarı sağ hissəsində görünən təqvim işarəsi ilə istifadə etmək olar. İstifadəçilər bu işarəyə kliklədikdə istədikləri tarixi seçərək axtardıqları günə çata biləcəklər.
“WhatsApp”ın yeni funksiyanı nə vaxt kütləvi istifadəyə verəcəyi hələlik məlum deyil.
