"Masallıda fəaliyyət göstərən sahibkarların qaz təchizatında üzləşdiyi problemlərin həlli və digər məsələlərin qeydə alınması məqsədilə "Açıq mikrofon" sizlərin ixtiyarına verilir".
Modern.az xəbər verir ki, bunu Lənkəran RQİİ-nin rəis müavini Seyran Şahverdiyev Masallı rayonunda qurulan "Səyyar qəbul otağı"nda bildirib.
Aksiyada çıxış edən KOBİA-nın nümayəndələri hər zaman sahibkarları dinləməyə və məsləhətlər verməyə hazır olduqlarını qeyd ediblər. "Açıq mikrofon" aksiyasında ümumilikdə 10-a yaxın müraciət səslənib ki, bunlar arasında sakinlərin də istəkləri yer alıb. Sahibkarlar debitor borcun hissə-hissə ödənilməsində köməkliyin göstərilməsini xahiş etməklə yanaşı, həm də onlara göstərilən diqqət və qayğını yüksək qiymətləndiriblər. "Açıq mikrofon" aksiyasında SOCAR "Azəriqaz" İB-nin Lənkəran RQİİ-nin rəhbər şəxsləri səslənən problem və təkliflərin aidiyyəti üzrə yönləndiriləcəyini qeyd ediblər.
