AMAC və “Vahid Millət Dövlətçiliyə dəstək” İctimai Birliyinin sədri Hürrü Əliyev Qurban Bayramı münasibəti ilə Azərbaycan xalqını təbrik edib.
“Əziz həmvətənlər, hörmətli soydaşlar!Sizin hər birinizi istər Azərbaycan Respublikası vətəndaşları və istərsə də xarici ölkələrdə yaşayan soydaşlarımızı dünya müsəlmanlarının mənəvi birlik və həmrəylik rəmzi olan müqəddəs Qurban bayramı münasibətilə ürəkdən təbrik edirəm. Qurban bayramı müqəddəslik rəmzi olmaqla bərabər həm də xeyirxahlıq bayramıdır.Əksər müsəlmanlar bu əlamətdar gündə Uca Yaradanın adına qurbanlar kəsərək Allaha yaxınlığını nümayiş etdirirlər.
Mübarək Qurban bayramı günündə hamınıza Allahdan möhkəm cansağlığı, ailələrinizə xoşbəxtlik, süfrələrinizə ruzi-bərəkət arzulayıram. Allah kəsdiyiniz qurbanları və etdiyiniz duaları qəbul etsin.
Bayramınız mübarək olsun!”.
Modern.az
