Azərbaycan Respublikasının Qida Təhlükəsizliyi Agentliyi qəhvəyi mərmər bağacığının ölkə ərazisində yayılmasının qarşısını almaq məqsədilə tədbirlər keçirir.
Modern.az xəbər verir ki, tədbirlər çərçivəsində Agentliyin fitosanitar müfəttişləri tərəfindən Naftalan şəhəri ərazisində monitorinq aparılıb. Monitorinq zamanı qəhvəyi mərmər bağacığının aşkarlanması məqsədilə şəhərin müxtəlif ərazilərində feromon tələlər asılıb.
Qeyd edək ki, qəhvəyi mərmər bağacığı 300-dən çox bitki ilə qidalanaraq onlara əhəmiyyətli dərəcədə ziyan vurur.
