İşğaldan azad olunmuş ərazilərdə geofiziki tədqiqatlar poliqon boyu aparılmayıb.
Modern.az xəbər verir ki, bunu Azərbaycan Milli Elmlər Akademiyasının nəzdində Respublika Seysmoloji Xidmət Mərkəzinin baş direktoru Qurban Yetirmişli deyib.
O bildirib ki, buna səbəb torpaqlarımızın 30 il işğal altında olmasıdır.
“Azərbaycan 8-9 ballıq zonaya aiddir. Lakin ölkəmizdə 10 ballıq bölgələr də mövcuddur. Zəlzələnin baş verəcəyi ilə bağlı qısamüddətli proqnoz dünyada yoxdur, ortamüddətli və uzunmüddətli proqnozları isə əvvəldən vermək olur. 20 il ərzində ölkəmizdə maqnitudası 1,5 və 3-dən yuxarı olan çoxsaylı zəlzələlər baş verib”, - deyə Qurban Yetirmişli vurğulayıb.
