Azərbaycandan tranzit keçməklə Rusiya mənşəli buğda Ermənistana göndərilib.
Modern.az xəbər verir ki, 7 vaqondan ibarət, çəkisi 490 ton olan buğdanın tədarük prosesi həyata keçirilib.
Buğda yükü Biləcəri stansiyasından Böyük Kəsik istiqamətinə göndərilib.
***
Azərbaycandan tranzit keçməklə Rusiya mənşəli buğda Ermənistana göndəriləcək.
Bu barədə Modern.az-a "Azərbaycan Dəmir Yolları" (ADY) QSC-nin Mətbuat xidmətin məlumat verilib.
ADY-dən verilən məlumata görə, bu gün Azərbaycandan tranzit keçməklə ümumi çəkisi 490 ton olan 7 vaqon yüklü Rusiya mənşəli buğda Biləcəri stansiyasından Ermənistana yola salınacaq.
Xatırladaq ki, indiyədək Rusiyadan Ermənistana Azərbaycandan tranzit keçməklə 29 min tondan çox taxıl, 7 min tondan çox gübrə, 414 ton antrasit (daş kömür növü) 133 ton alüminium və 68 ton qarabaşaq göndərilib.
Qeyd edək ki, tranzitlə yanaşı, Azərbaycandan Ermənistana neft məhsulları da ixrac olunur. İndiyədək Azərbaycandan Ermənistana 13 min tondan çox dizel, 979 ton Aİ-92 benzini və 2955 ton Aİ-95 benzini ixrac olunub.
