Rusiya Prezidenti Vladimir Putin miqrasiya nəzarətinin sərtləşdirilməsini nəzərdə tutan yeni qanunları imzalayıb.
Modern.az xəbər verir ki, yeni qanunvericiliyə əsasən, Rusiyadan deportasiya ilə nəticələnə biləcək inzibati hüquqpozmaların sayı iki dəfə artırılaraq 45-ə çatdırılıb.
Siyahıya cinsə, irqə, milliyyətə, dilə və dinə münasibətə görə ayrı-seçkilik hallarını əhatə edən hüquqpozmalər də əlavə edilib.
Bundan başqa, qanunla Rusiya dövlət sərhədinin keçilməsi və ölkədə qalma qaydalarının pozulmasına, əcnəbilərin qanunsuz əmək fəaliyyətinə cəlb edilməsinə, eləcə də miqrantların qeyri-qanuni işə götürülməsinə görə tətbiq olunan cərimələr artırılıb.
