Dietoloqlar bəzi insanlarda nahardan sonra yuxululuğun yaranmasının səbəblərini izah ediblər.
Modern.az xəbər verir ki, mütəxəssislər yuxululuğun əsas səbəbinin karbohidratlarla zəngin qidalar olması barədə geniş yayılmış fikri təkzib ediblər. Onların sözlərinə görə, makaron, kartof və düyünü qida rasionundan çıxarmağa ehtiyac yoxdur.
Həkimlər bildirir ki, əsas rol porsiyanın ölçüsü və qidaların tərkibinə aiddir. Bundan əlavə, əvvəlki gecə yuxunun keyfiyyəti və gündəlik rejim də insanın özünü necə hiss etməsinə təsir göstərir.
Adətən yeməkdən sonra orqanizm həz prosesinə çox enerji sərf etdiyi üçün yuxululuq yaranır. Bu hal xüsusilə bol və ağır yeməklərdən sonra müşahidə olunur.
Dietoloqlar qeyd edir ki, nahardan sonrakı yuxululuq hər zaman narahatlıq doğurmur. Lakin həddindən artıq güclü olduqda və gündəlik həyata maneə törətdikdə buna diqqət yetirmək lazımdır. Belə hallarda yalnız qidalanmanı dəyişməklə kifayətlənmək düzgün deyil.
