Rusiya, ABŞ və Ukrayna nümayəndələri arasında üçtərəfli danışıqların noyabrın 10-da Birləşmiş Ərəb Əmirliklərinin paytaxtı Əbu-Dabidə keçirilməsi nəzərdə tutulur.
Modern.az TASS-a istinadən xəbər verir ki, bunu Rusiya Prezidenti Vladimir Putin bildirib.
Putin Ukrayna mövzusunda danışıqlara hazırlığı Rusiya Təhlükəsizlik Şurasının daimi üzvləri və nümayəndə heyətinə daxil olan rəsmilərlə müzakirəyə çıxarıb.
Müşavirəyə Rusiya nümayəndə heyətinin rəhbəri, prezidentin köməkçisi Vladimir Medinski, prezidentin köməkçisi Yuri Uşakov, xarici işlər nazirinin müavinləri Mixail Qaluzin və Sergey Ryabkov, eləcə də hərbi rəhbərliyin nümayəndələri dəvət olunublar.
Daha əvvəl mediada Ukrayna nümayəndə heyətinə Prezident Ofisinin rəhbəri Kirill Budanovun başçılıq edəcəyi barədə məlumat yayılıb.
