Bakı Dövlət Universitetinin (BDU) tanınmış fotoqrafı Salam Muxtarov uzun sürən xəstəlikdən sonra aprelin 7-də vəfat edib.
Modern.az-ın məlumatına görə, bu barədə Universitetin əməkdaşları xəbər veriblər.
O, uzun illər Bakı Dövlət Universitetinin “Bakı Universiteti” qəzetində fotoqraf vəzifəsində çalışıb. Salam Muxtarova 2009-cu ildə BDU-nun 90, 2015-ci ildə 95 illik, 2013-cü ildə isə özünün 60 illik yubileyi münasibətilə təşəkkür elan edilib.
O, 2015-ci ildə kütləvi informasiya vasitələrində BDU-nun həyatının dolğun işıqlandırılmasında səmərəli fəaliyyəti, Universitet və fakültə saytlarının idarə edilməsindəki xüsusi xidmətləri, Mətbuat və informasiya şöbəsinin 15 illiyi münasibətilə Fəxri fərmanla təltif edilib.
2020-ci ildən əmək fəaliyyətini fotoqraf kimi BDU-nun Jurnalistika fakültəsinin Tədris tele-radio studiyasında davam etdirib.
Mərhum uzun müddət idi ki, xərçəng xəstəliyindən əziyyət çəkirdi.
Qeyd edək ki, Salam Muxtarov keçmiş teleaparıcı - hazırda BAMF-da sədr müavini kimi çalışan Günel Gözəlovanın atasıdır.
Allah rəhmət eləsin.
