Rusiya, ABŞ və Çin liderlərinin noyabrda Çinin Şençjen şəhərində keçirilməsi planlaşdırılan sammiti baş tutmaya bilər.
Modern.az xəbər verir ki, “The Wall Street Journal” bunu Vaşinqtonla Pekin arasında görüşün formatına dair fikir ayrılığı ilə əlaqələndirib.
Nəşrin məlumatına görə, Çin tərəfi liderlərin əvvəlcədən hazırlanmış mətnlərlə çıxış etməsini istəyir. ABŞ isə sərbəst müzakirənin keçirilməsində israrlıdır.
Digər fikir ayrılığı nüvə silahlarına nəzarət məsələsi ilə bağlıdır. Donald Tramp bu mövzunu Vladimir Putin və Si Cinpinlə müzakirə etmək istəyir. Lakin Pekin belə üçtərəfli danışıqlara hazır deyil.
