Vətən müharibəsi iştirakçısı Cəlal Rəhimov vəfat edib.
Modern.az xəbər verir ki, bu barədə onun yaxınları sosial mediada məlumat yayıb.
Müharibə zamanı mayor rütbəsi daşıyan ehtiyatda olan zabit ürəktutmasından dünyasını dəyişib. O, doğulduğu Biləsuvar rayonunda dəfn olunub.
Cəlal Rəhimov 2005-ci ildə Heydər Əliyev adına Ali Hərbi Məktəbi bitirib. 40 yaşlı zabit çoxsaylı orden və medallara layiq görülüb.
O, Vətən müharibəsində Füzuli, Xocavənd, Tuğ və Şuşa uğrunda döyüşüb.
